کۆڕێک ده‌رباره‌ی ده‌ستور له‌ فرێدریکستاد

ڕۆژی 1ی ئۆکتۆبه‌ر له‌ شاری فرێدریکستاد کۆڕێک ساز کرا بۆ "جبار محسن" ئه‌ندامی کۆمیته‌ی نه‌رویجی حزب له‌ ژێر ناونیشانی "ڕه‌شنوسی ده‌ستوری عێراق و مافه‌کانی خه‌ڵکی کوردستان و ڕوانگه‌ی حزبی کۆمۆنیستی کرێکاریی عێراق"  و ژماره‌یه‌ک له کوردی ئه‌و شاره‌ ئاماده‌ی کۆڕه‌که‌ بوون و به‌ پرسیارو موداخه‌له‌کانیان باسه‌که‌یان ده‌وڵه‌مه‌ند کرد. شایه‌نی باسه‌ له‌ کاتی کۆڕه‌که‌دا میزکتاب دانرا که‌ به‌یان و نوسراوه‌کانی حزبی سه‌باره‌ت به‌ ڕه‌شنووسی ده‌ستور له‌سه‌ر بوو. دوابه‌دوای کۆڕه‌که‌ش ژماره‌یه‌کی به‌رچاو له‌ به‌یانی حیزب که‌ به‌ زمانی ئینگلیزی بوو به‌ناو خه‌ڵکی نه‌رویجیدا بڵاو کرایه‌وه‌‌.