ئه‌و کاره‌ساته‌ی که‌ له‌ هه‌ولێر ڕووده‌دات، شتێکی زۆر شێتانه‌یه‌
بۆ زانینی  ئێوه‌ من ئێستا له‌ نه‌مسام، هه‌فته‌یه‌که‌ له‌ ڤییه‌نام  .سبه‌ینێ به‌ره‌و کوه‌یت ده‌ڕۆم، ڕۆژی چوارشه‌ممه‌ ده‌چمه‌وه‌ بۆ به‌غداد . هه‌روه‌ها له‌ کاتێکدا من له‌ نه‌مسا بووم، له‌سه‌ر کێشه‌که‌ی د. که‌مال هه‌ر ڕۆژه‌ ده‌ تێله‌یفۆنم بۆ هه‌ولێر ده‌کرد . ئه‌و کاره‌ساته‌ی که‌ له‌ هه‌ولێر ڕووده‌دات، شتێکی زۆر شێتانه‌یه‌ . به‌ڕاستی وادیاره‌ نایانه‌وێت به‌و زووانه‌ د. که‌مال ئازاد بکه‌ن . هوشیار زێباری ڕۆژی چوارشه‌ممه‌ تێله‌فۆنی بۆ کردم و پێی ڕاگه‌یاندم که‌ د. که‌مال ئازاد بووه‌ . من دوو جار پرسیارم لێکرد : مه‌به‌ستتان ئه‌وه‌یه‌ که‌ ئایا ئێوه‌ د. که‌مالتان ئازاد کردووه‌ ؟ . له‌وه‌ڵامدا وتی : به‌ڵێ وایه‌ ئازاد بووه‌ . وه‌زیرێکی تری عێراقی ، به‌رهه‌م ساڵحیش ئه‌و خه‌به‌ره‌ی پشت ڕاستکرده‌وه‌، به‌لام پاشان ئێمه‌ ئاگادار بووین که‌ د. که‌مال ئازاد نه‌کراوه‌ . ئێمه‌ وه‌کو ده‌وڵه‌تی نه‌مسا، به‌ ئه‌مریکاو به‌رتانیامان ڕاگه‌یاند، ئه‌و ده‌سه‌ڵاتدارانه‌ی به‌ ئێمه‌یان گوتبوو که‌ ئه‌وان د. که‌مالیان ئازاد کردووه‌، به‌ڵام مخابن ڕاست ده‌رنه‌چوو . وه‌ هه‌روه‌ها، ئه‌مریکاو به‌ریتانیا له‌ ڕێگای سه‌فیرانی خۆیانه‌وه‌ تێله‌فۆنیان بۆ ئه‌ربیل کردبوو . له‌وه‌لامی ئه‌وانیشدا وتبوویان  د . که‌مال 3 مانگ له‌لای ئێمه‌ زیندانی بووه‌ ، ئه‌وه‌ش مانای ئه‌وه‌یه‌ که‌ ئێستا زیندانی نییه‌و ئازاد کراوه‌  . به‌و ووشانه‌ ویستویانه‌ قه‌ناعه‌تمان پێبکه‌ن که‌ د. که‌مال ئازاد بووه‌، به‌ڵام تا ئێستا د. که‌مال له‌ زینداندایه‌ . باوه‌ڕ بکه‌ن هه‌رچی له‌ توانای مندا هه‌بێت کردوومه‌، ده‌یکه‌م و هه‌روه‌ها به‌رده‌وامیش ده‌بم . تکایه‌ به‌  بنه‌ماڵه‌ی د. که‌مال و خوشکه‌کانی د. که‌مال بڵێن که‌ ئه‌و شتانه‌ شه‌رم و عه‌یبێکی زۆر گه‌وره‌یه‌ بۆ هوشیار زێباری وه‌ک وه‌زیری ده‌ره‌وه‌ی  عێراق که‌ خۆی له‌گه‌ڵ زیندانیکردنی د. که‌مالدا نییه‌ . له‌به‌رئه‌وه‌ی که‌ ئه‌ویش پێشتر له‌ ده‌ره‌وه‌ی عێراقدا ژیاوه‌ و  زیندانیکردنی د. که‌مال به‌شه‌رم ده‌زانێت . دڵنیام که‌ ئه‌ویش هه‌وڵده‌دات بۆ ئازادکردنی د. که‌مال  .
له‌گه‌ڵ گه‌رمترین سڵاومدا
Gudrun Harre
سه‌فیری نه‌مسا له‌ به‌غداد
 29 / 1 / 2006