له‌ خۆپیشاندانی سه‌رتاسه‌ری له‌ دژی سیاسه‌تی ئه‌مریکاو له‌ پێناوی خواستی به‌رپا کردنی ریفراندۆم بۆ سه‌ربه‌خۆیی کوردستان به‌شداری بکه‌ن

له‌ ڕۆژه‌کانی 5و6-1-2007 له‌ به‌شیکی زۆر له‌ ووڵاته‌کان خۆپیشاندان به‌رامبه‌ر سه‌فاره‌ته‌کانی ئه‌مریکا. ئه‌گه‌ر چی ئه‌م خۆپیشاندانانه‌ به‌ موباده‌ره‌ی کۆمیته‌ی ده‌ره‌وه‌ی حزبی کۆمۆنیستی کرێکاری عیراق ساز ده‌کریت، به‌ڵام ده‌رگای به‌شداری کردن تیایدا بۆ هه‌ر لایه‌ن‌و که‌سایه‌تیه‌ک ئاوه‌ڵایه‌. هه‌ر ڕێکخراوێک ، لایه‌نێک ده‌توانێت له‌ چوارچێوه‌ی دروشمی سه‌ره‌کی خۆپیشاندانه‌که‌ که‌ برێتییه‌ له‌ ( نا بۆ بۆش، نا بۆ بیکر-هاملتۆن، به‌ڵێ بۆ ریفراندۆم بۆ سه‌ربه‌خۆیی کوردستان) به‌ هه‌ر دروشم و لافیته‌یه‌کی خۆیه‌وه‌ به‌شداری بکات.

له‌م خۆپیشاندانه‌دا‌ یاداشتێک ته‌سلیم به‌ سه‌فاره‌تی ئه‌مریکا ده‌کرێت که‌ له‌ خواره‌وه‌ ده‌قه‌که‌ی هاتووه‌. هه‌ر که‌س ده‌توانێت ناوی خۆی بۆ لیستی ئیمزا که‌رانی ئه‌م یاداشته‌ ئیزافه‌ بکات. ئه‌م یاداشته‌ هاوکات له‌ به‌ریتانیا، نه‌رویج، سوید، فنلاندا، دانیمارک، هۆله‌ندا، ئه‌ڵمانیا، سویسرا، که‌نه‌دا وئوسترالیا به‌ سه‌فاره‌ت و قونسولیه‌کانی ئه‌مریکا ته‌سلیم ده‌کرێت.

به‌ به‌شداری کردن له‌ خۆپیشاندانه‌کان، یان به‌ ئیمزا کردنی ئه‌م یاداشته‌ ده‌نگی خۆتان بخه‌نه‌ پاڵ ده‌نگی خوازیارانی ریفراندۆم.

شه‌ماڵ علی

سکرتێری کۆمیته‌ی ده‌ره‌وه‌ی

حزبی کۆمۆنیستی کریکاری عیراق

‏2007‏-01‏-01

-----------------------------------------------------------------------------------------------------------------